مردان هارایی

سیندیریب دوساغی تکبیر یله ایمان هارایی
یول آلیب باغلی قفسدن گلیر آصلان هارایی
آیریلیق حسرتینه صبر ائلییب تاپدی دوزوم
یوسیفین وصلینه یعقوبی ده کنعان هارایی
حاق سوزی دالغالانار کان کیشی لر قلبینده
بیر دنیز تک اویانیب تیتره دی طوفان هارایی
یاخاسی قالسادا بیرگون یاغی لار چنگینده
بیزیم آزاده لرین یاتمادی عصیان هارایی
شرفین پنجره سیندن قوپا حررییتی میز
ساخلیب عشقین آدین گورنه شهیدان هارایی
بو گوزللردی بیزه وئردی او گون نام و نیشان
هله ده جبهه ده غوغا لی دی مردان هارایی
قا واریب ییخدی یئره تانکی لارین نعره سینی
بیزده فهمیده کیمین طیفل دبستان هارایی
وطن اولادی لاری قاره گوزوندن جام آلیب
سس سسه بیرده وئریب دور یئنه مستان هارایی
ناز باخیشلار گَتیریب تسلیمه مین مین اورَ گی
آسلاییب تئلله رینه زولف پریشان هارایی
منی قیقاجی باخیش ائت دی غزل سولطانی
فکرتی سالدی دیله شعریده دیوان هارایی

25 / 5 / 92 - لطفعلی فکرت - بیله سوار مغان

تقدیم به آزادگان سر فراز وطن به خصوص آزادگان هم رزمم در عملیات های خیبر و بدر .

جا دارد یادی کنیم از آزادگان سرفراز شهرمون آقایان

عیاسعلی دلیری،بخشعلی شاهدی، فتح اله فتحی ،سلمان بخشنده،علی ورودی ،علی بروزدان، عظيم دژآلود،غلام محمدي،كريم رسولي،عطا محمدزاده،اکبر اکرامی